ضامي الوصل جالك ناوياً يرتويك

غـنّ السهـر فـي ثـرى ليلـك وغنـى المكـان
واستبشرت في حضورك كل نفس(ن) تبيك
دامــك وصـلـت بسـلامـه راق جــوي وزان
وبلهفـتـي جـيـت أصـافـح بالمحـبـه يـديــك
والله لـــو تـــدري أن الـبـعــد ذل وهــــوان
وان الأماكـن تسـولـف بــس تـسـأل علـيـك
كـان ماغبـت لحـظـة عــن حبـيـب الـزمـان
يـــوم راحـــت حـيـاتـه بـالأمــل يـرتـجـيـك
ان غبـت غـابـت سـوالـف ليلـنـا والحـنـان
وإن جـيـت كــل الليـالـي بـالـغـلا تحـتـريـك
كـنـت أهـيـم بخيـالـي مــن جـنـان لـجـنـان
كـنـت تـطـري عـلـي بـكــل لـيـلـة وأجـيــك
يمـكـن الـلـيـل ألـقــى فـــي ســـواده أمـــان
لاسـهـرتـه وكـنــت بـحـلـم لـيـلـي شـريــك
كـنـت تعـطـي بحـسـنـك لـلـحـروف إتـــزان
ويـزيـن حـبـك القـصـايـد لانـــوت تبـتـديـك
أنــت بـيـت القصـيـد الـلـي زهـابـك وكـــان
كــل حـــرف يتـمـايـل دلـعـنـه فـــي يـديــك
ارفعـي عــن جبيـنـك لـيـل شـعـرك عـشـان
تكـتـمـل بالمـعـانـي ثـــورة الـشـعـر فــيــك
شوفـي فرحـة حضـورك فـي زوايـا المكـان
جــت تــزف المـشـاعـر يـالـغـلا وأهـتـويـك
عاشق(ن)ماتـبـع صــف الـعــذارى وخـــان
راس مــالــه غــرامــك لاذكــــر وجـنـتـيـك
حــان لـيـل الأحـبـه يـاغــلا الـعـمـر حـــان
ضـامـي الـوصـل جـالــك نـاويــاً يـرتـويـك

وسلامتكم